İzrail töne buyı bombaladı

İzrail armiyäseneñ Ğazzä sızığınıñ bik küp noqtasına töne buyı barğan höcümnärendä 29 fälästinleneñ ğomere özelde. Aralarında xatın-qızlar häm balalar da bar.

Fälästin xäbär agentlığı WAFA citkergänçä, İzrail armiyäse 396 kön däwam itüçe utqa totularda Bäyt Laxiya, Däyr äl-Bälax, äz-Zävayidä häm Xan-Yunusta yäşägän cirlärennän küçengännärneñ öylären häm catırların bombaladı. Äytik, Bäyt Laxiyada ber yortqa yasalğan höcümdä 20 fälästinle ülde. Däyr äl-Bälaxta ber çatırda - 2, äz-Zävayidä isä 4 fälästinle hälaq buldı. Xan-Yunusqa höcümdä 3 keşenen ğomere özelde.