İrannıñ İzrailgä utnı tuqtatu şartı

İran ilbaşı Mäsud Päzäşkiyan ilenä qarata höcümnärgä cawap biräçäklären, tik anıñ töre häm köçeneñ, İzrailneñ utnı tuqtatunı qabul itüenä qarap, üzgäräçägen belderde.

Päzäşkiyan başqala Tähranda kabinet utırışında çığış yasap, İzrailneñ regiondağı agressivlığına iğ’tibarnı cälep itte. Ul, ägär İran “Xamas” säyäsi byurosı räise İsmail Xäniyyäneñ üterelüenä cawap qaytarmasa,  AQŞ häm awrupalı liderlarnıñ Ğazzädä utnı tuqtatu iğ’lan iteläçägenä süz birülären xäterlätep bolay dide: “Xökümätebezneñ berençe könnärennän ük Xäniyyägä üterü höcüme yasap, suğış çığaru öçen tırışuçı yaq sionist rejim ide. Qayber illärneñ kiñäşennän soñ, ber ğayepsez xatın-qızlarnıñ häm balalarnıñ ülemen tuqtatu ömete belän sabır buldıq, tik İzrail cinayät’lären tağın da arttırdı”.  

Päzäşkiyan ileneñ İzrailneñ axırğı höcümnärenä cawap biräçägen qabatladı. “Ägär qılanmışların üzgärtep, utnı tuqtatunı qabul itsälär häm töbäktäge cäberlängän, ber ğayepsez keşelärne üterüne tuqtatsalar, bu bezneñ cawapnıñ töre häm köçenä täêsir itär”,-dide ul.