Watandaşlığı bulmağan keşelär

Ütkän yıl dönya buyınça vatandaşlığı bulmağan yäki däwlätsez yäşäwçe keşе sanınıñ 4,4 millionğa citüe açıqlandı. Berläşkän Millätlär Oyışmasınıñ Qaçaqlar yuğarı komissarlığı 2023nçе yılda şundıylar turında yaña xisap äzerläde.

Anda BMO tarafınnan däwlätsezlekkä qarşı başlanğan 10 yıllıq proyektnıñ zur uñış kitеrüe, läkin tağın da kübräk ğämäl kiräklegenä basım yasaldı. Watandaşlıq xoquqlarınnan mäxrüm itеlgän 500 meñnän artıq keşe 2014nçе yılda "IBelong" (Minİsäplänäm) şiğare astında däwlätle bula.

Xisapta mondıy yulllar bar: “Keşe xoquqların bozunıñ iñ zur ürnäge bulğan däwlätsezlek keşelärne säyäsi häm iq’tisadi yaqtan çitkä tibärep, qanunlı xaqlarınnan mäxrüm itä, belem alu häm sälamätlek saqlaw şikelle möhim xezmätlärgä ireşä almastay xälgä kiterä. Mondıy keşelär ayırıp qarawğa duçar bula häm êkspluataśiyä belän qısrıqlawlarğa qarşı yaqlawçısız qala”.

BMOnıñ Qaçaqlar yuğarı komissarlığı watandaşlığı bulmağan keşelärneñ xoquqların yaqlawın häm dön’ya külämendä däwlätsezlekne kisätü öçen törle xezmättäşlär belän êşläwen citkerde.