İzrail ber täwlektä Livanğa 109 tapqır höcüm itte

İzrail Livanğa axırğı 24 säğat’tä 109 hawa höcüme yasadı.

Livan äylänä-tirä moxit ministrlığı äzerlägän xisapta bombalawlarnıñ kübeseneñ kön’yaq häm könçığış töbäklärdä buluı äytelä. Şulay itep İzrailneñ 2023nçe yılnıñ 8nçe oktyabrennän birle Livanğa hawa höcümnäreneñ sanı 11 meñ 876ğa citte.

Älege utqa totular arqasında yäşägän cirlären taşlap kitüçelär öçen 1133 sıyınu üzäge açılğan, xäzergä qadär alarğa 190 meñ 83 keşene urnaştırğannar.

Xisapta, şulay uq, migraśiya dulqınnarına iğ’tibar cälep itelä. Livan iminlek idaräse mäğ’lümatlarına qarağanda, 23nçe sentyabr’dän 2nçe noyabr’gä qadär ildän Süriyägä 539 meñnän artıq keşe kitkän. Alarnıñ 361 meñe genä süriyäle.

İzrailneñ 2023nçe yılnıñ 8nçe oktyabrennän birle Livanğa höcümnärendä 2 meñ 968 keşe ülgän häm 13 meñ 319ı yaralanğan.