Ğazzä sızığına dronnar belän höcüm

İzrail armiyäseneñ Ğazzä sızığınıñ üzäk häm tön’yaq öleşlärenä höcümnärendä 8 keşeneñ ğomere özelde, alarnıñ berse - bala. Yaralanuçılar da bar.

Fälästin räsmi xäbär agentlığı “WAFA”nıñ xäbärenä qarağanda, Däyr äl-Bälax şähärendä Buräys möhacir lagerına kerä torğan urında ber törkem keşegä dronnar belän höcüm yasala. Anda 6 fälästinle ülä. Monnan tış, Cibaliyägä dä dronnar belän höcüm itälär. Anda 2 keşeneñ ğomere özelä.