"Bal'fur deklaraśyäse"nä rizasızlıq
Fälästin cirlärendä İzrail däwläte tözüne yaqlağan “Bal’fur deklaraśyäse”nä 107 yıl tuldı
Angliya, Niderland, Avstriya häm Germaniyädä yözlärçä keşe Fälästin cirlärendä İzrail däwläte tözüne yaqlağan “Bal’fur deklaraśyäse”neñ 107 yıllığında demonstraśiyägä çıqtı. Alar fälästinlelärgä teläktäşlek belderde, İzrailgä qarşı şiğar’lär qıçqırdı häm Ğazzädä qan qoyunı tuqtatırğa çaqırdı.
Bilgele bulğança, Böyekbritaniya 1917nçe yılnıñ 2nçe noyabrendä “Bal’fur deklaraśiyäse” belän Fälästin territoriyäsendä İzrail däwläten tözüne küzallawçı proyektnı açıqtan-açıq yaqlağan berençe zur il ide. Ul çordağı Angliya tışqı êşlär ministrı Artur Djeyms Bal’fur monı sionist kampaniyäneñ ähämiyätle figurantlarınnan berse lord Uolter Rotşil’dqa yazğan xatında citkerä. Tarixqa “Bal’fur deklaraśiyäse” dip kerep qalğan älege xatta İzrail däwläte tözegändä töbäktäge xalıqnıñ xoquqlarına zarar kitermäwne dä täêmin itü belderelä. Älege xat İzrail däwläte qorılu prośessın başlawda iñ ähämiyätle noqta sanala.
