Suğış qorbannarınıñ sanı arta
Alarnıñ sanı 43 meň 259ğa kütärelgän
İzrailneñ Ğazzä sızığına 2023 nçe yılnıñ 7 nçe oktyabrennän birle däwam itkän höcümnärendä ğomere özelgän fälästinlelärneñ sanı 43 meň 259ğa kütärelgän.
Ğazzädäge sälamätlek saqlaw ministrlığı 392 kön barğan höcümnär belän bäyle mäğ’lümatlar citkerde.
Belderüdä äytelgänçä, İzrail armiyäseneñ soñğı täwlektä Ğazzä sızığınıñ törle töbäklärenä oyıştırğan höcümnärendä 55 keşeneñ ğomere özelgän, 186 keşe cäräxätlängän.
Şulay itep höcümnärdä ğomeren yuğaltqan fälästinlelärneň sanı 43 meň 259 bulğan, yaralanuçılar – 101 meň 827.
Sälamätlek saqlaw ministrlığı belderüendä cimereklär astında häm yul çitlärendä äle haman da ülelär barlığı, tik İzrail köçläreneñ totqarlawları arqasında mediśina törkemnäre häm qotqaruçılarnıñ ul urınnarğa barıp mäyetlärne çığara almawı xäterlätelä.
