İzrail Livanda qabat sälamätlek saqlaw törkemnären utqa tottı

İzrail armiyäse qabat Livannıñ kön’yağına höcüm itte. Bu yulı Sur şähärendä İslam sälamätlek saqlaw oyışması törkemnäre nişanğa alındı. Anda 4 berençe yärdäm xezmätkäreneñ ğomere özelde.

Berläşkän Millätlär Oyışmasınıñ UNESKO Bötendön’ya mirası isemlegendä urın alğan Baalbäk şähäre dä köçle ut astında. Töbäkkä yasalğan 5 hawa höcümendä 7 keşeneñ ğomere özelde, 14e yaralandı.  

2023nçe yılnıñ 8nçe oktyabrennän birle İzrailneñ Livanğa höcümnärendä ülüçelärneñ sanı 2 meñ 867gä citte. Alarnıñ 178e sälamätlek saqlaw xezmätkäre.

İzrail höcümnäre livanlılarnı yäşägän cirlären taşlap kitärgä mäcbür itä.

İzrail armiyäse Livannıñ kön’yağındağı Näbatiyä öçen êvakuaśiyä kisätüe çığardı. Livan xökümäte räise Näcib Mikati älege çaqıruğa reakśiyä belderde. Ul İzrail armiyäseneñ livanlı grajdanlılarnı şähärne tulısınça buşatunı taläp itüen “suğış cinayäte” dip bäyäli.

“Xizbulla” xäräkäte İzrail höcümnärenä raketalar belän cawap qaytara.

BMOnıñ balalarğa yärdäm fondı Livandağı suğışnıñ balalarnıñ tormışın cimerüenä iğ’tibarnı cälep itä. Ozaq waqıtlı travmatik stressqa duçar bulğan sabıylar ğomer buyı däwam itä aluçı citdi sälamätlek yanawları häm psixologik risklar belän oçraşa.