AQŞnıñ raketaları kimegän
Amerika üz saqlanu sisteması raketaların İzrail öçen qullana
2204913
Amerika Quşma Ştatlarınıñ hawa saqlanu raketaları kimegän. AQŞ 2023nçe yılnıñ 7nçe oktyabrennän birle İzrailne yaqlaw maqsatınnan alarnı qullana. Yämändäge “Xusilär”neñ höcümnärenä qarşı da älege hawa saqlanu raketaları faydalanıldı.
“Wall Street Journal” gazetına interv’yu birgän amerikalı wäqalätlelär AQŞ armiyäseneñ İzrailne üz hawa sistemaları belän saqlawınıñ raketalar zapasın kimetüen belderde. Bu isä ilneñ üz-üzen yaqlawı öçen risk barlıqqa kiterä.
Mäqalädä Pentagonnıñ, bigräk tä Tın okean regionında, AQŞ armiyäseneñ yaqlawsız qaluına borçıluı belderelde. Tik ministrlıq, milli iminlek mäs’äläse säbäple, raketa zapaslarınıñ xäle turında mäğ’lümat urtaqlaşmıy.
