"Yaqın Könçığıştağı waqıyğalar keşelegebezne yuğaltuıbıznı kürsätä”
Bu xaqta Awrupa Berlegeneñ tışqı mönäsäbätlär häm qurqınıçsızlıq säyäsäte yuğarı wäkile Jozep Borrel’ belderde
Awrupa Berlegeneñ tışqı mönäsäbätlär häm qurqınıçsızlıq säyäsäte yuğarı wäkile Jozep Borrel’ “Yaqın Könçığıştağı waqıyğalar keşelegebezne yuğaltuıbıznı kürsätä” dip belderde.
Ul bu xaqta İspaniya däwlät radiosı “RNE” ğa birgän interv’yusında citkerde.
Borrel’ assızıqlağança, BMO da iskärtkän kebek İkençe bötendön’ya suğışınnan birle iñ qırıs häm citdi keşelek krizisı Ğazzädä küzätelä.
“Ğazzädä häm Livanda suğış däwam itkändä zur yanğınğa kiteräçäk oçqın çitendä yäşäyäçäkbez”,- dide Borrel’.
Jozep Borrel’ härkemneñ İzrail İrannıñ atom - töş yäki neft’ qorılmalarına höcüm itäçäk dip borçıluın, Yaqın Könçığıştağı bäreleşlärne tuqtatu öçen mäcbüri çaralar kürergä kiräklegen äytte.
Ul İzrailgä qoral satu mäs’äläsendä Awrupa Berlegeneñ här ileneñ üz qararın qabul itäçägen, urtaq qarar bulmawın äytte.
“İspaniya, İtaliya, Franśiya qoral satunı tuñdıru qararı qabul ittelär. Läkin başqalar Germaniya kebek bu xärbi yärdämne köçäytälär. Urtaq totış yuq”,- dide Jozep Borrel’.
