"Trami" Qıtayğa yaqınlaşa
Filippinnarda yözlägän keşeneñ ğomeren özgän dawılnıñ Qıtayğa yaqınlaşuı belderelde
2203493
Tın okeannan Qıtayğa yaqınlaşuçı “Trami” öyermäse säbäple ilneñ kön’yağındağı Xaynan utrawınnan çıqqan barlıq balıqçı korabları portqa çaqırıldı.
Qıtay meteorologiyä idaräsennän belderülärençä, “Trami” - bıyıl Tın okeanda barlıqqa kilgän 20nçe öyermä. Bügen kiçkä anıñ Xaynan utrawınıñ kön’yaq yarlarına bärüe kötelä. Dingezgä çıqqan balıqçı köymäläre kire çaqırıldı, 50 meñnän artıq balıqçı imin urınnarğa êvakuaśiyälände.
Ber atna buyı Filippinnarda xakimlek itkän “Trami” dawılı anda yawım-töşem, taşqın, cir şuışu şikelle afätlär kiterep çığardı häm yözdän artıq keşeneñ ğomere özelüenä säbäpçe buldı.
