NATO ğomum särqatibe Ankaradağı terror höcümen ğayepläde
Höcüm kiçä "TUSAŞ" ob'yekltlarında buldı
NATO ğomum särqatibe Mark Rutte başqala Änkaradağı Törkiyä aviaśiya häm ğaläm sänäğate şirkäte “TUSAŞ”nıñ Qahramanqazandağı ob’yektlarına oyıştırılğan terror höcümen ğayepläde.
“Änkaradağı höcümdä ülüçelär häm yaralanuçlar buluı borçuğa sala. NATO berlektäşebez Törkiyäneñ yanında. Terrorçılıqnıñ barlıq törlären kisken räweştä ğayeplibez häm waqıyğalarnı yaqınnan küzätep barabız”,- dip yazdı Rutte üzeneñ “X” sośial’ media akkauntında.
Mark Rutte Törkiyä ilbaşı Ärdoğan belän telefonnan söyläşüen, aña NATOnıñ teläktäşlegen citkerüen äytte.
BMO ğomum särqatibe Antoniu Guterriş ta terror höcümen ğayepläde.
BMO süzçe urınbasarı Farxan Xak “Ğomum särqatip tınıç xalıqqa oyıştırılğan höcümne ğayepli. Höcümdä ğomeren yuğaltuçılarnıñ ğailäläreneñ qayğısın urtaqlaşa häm cäräxätlänüçelärneñ tiz arada sälamätlänüen teli” dip belderde.
