İzrailneñ Livanğa höcümnärendä ülüçelär zur tizlek belän arta

İzrail armiyäseneñ Livanğa höcümnärendä tağın 28 keşeneñ ğomere özelde, 139ı yaralandı. İlneñ sälamätlek saqlaw ministrlığı İzrail köçläreneñ bik küp töbäkne hawadan utqa totuın citkerde.

2023nçe yılnıñ 8nçe oktyabrennän birle Livanğa höcümnärdä ğomere özelüçelärneñ sanı 2 meñ 574 buldı. 12 meñnän artıq keşe isä törle däräcädäge tän cäräxätläre aldı.

İzrail xärbi oçqıçlarınıñ başqala Bäyrutnıñ kön’yağındağı Daxiyägä hawa höcümendä “Al Mayadeen” kanalınıñ ofisı da utqa totıla. Bina tulısınça cimerelä häm yanğın başlana.

İzrail bombalawları arqasında Livanda yözlärçä meñ keşeneñ öylären taşlap kitüe uylanıla. İlneñ kön’yaq töbäklärennän başqala Bäyrut häm tön’yaqqa migraśiya dulqını däwam itä. Livan xökümäte 486 meñnän artıq keşeneñ Süriyägä kitüen belderde.