Totlığu ir balalarda yışraq oçrıy

Totlığu ir balalarda, qızlarğa qarağanda, 4 tapqır kübräk oçrıy.

Qara diñgez texnik universitetınıñ Farabi xastaxanäsendä êşläwçe tel häm söyläşü terapevtı Çağıl Özyılmaz 22nçe oktyabr’ - Bötendön’ya totlığu köne uñayınnan belderü yasadı.

Tabib totlığunıñ irtä balaçaq çorında - kübräk 2 belän 4 yäş’ arasında - başlanuçı häm söyläşüdä yuğarı yışlıqta yäisä ozaq waqıtqa özeklek kiterep çığaruçı söyläm salmaqlığı bozılu buluın äytä. Anıñ köçe häm yoğıntısı härkemdä üzgä.

“Säbäbe tögäl genä bilgele bulmasa da, totlığuğa genetikanıñ täêsir yasawı häm tanıp-belü, lingvistik, motorika, nevrologik faktorlar belän bergä küp’yaqlı êtiologiyägä (säbäpne öyränüçe fän) iyä buluı uylanıla. Qayğıru, qurqu häm kiçerelgän travmalar şikelle psixologik prośesslar totlığuğa kitermi”,-di belgeç.

Özyılmaz totlığunıñ irtä balaçaq çorında kürelü riskınıñ 5% buluın, ä ölkänäygäç bu sannıñ 1%qa ğına qaluın citkerä. Tikşerenülärdän açıqlanğança, ul ir balalarda yışraq oçrıy. Balaçaqta başlanğan totlığunıñ 80%ı üzennän-üze tözälä, qalğannarı xronik xälgä äwerelä.