50 yıllıq atom-töş reaktorı êşen däwam itäçäk

Yaponiyada täwge tapqır yaqınça 50 yıl xezmät kürsätkän atom-töş reaktorınıñ êşen däwam itüenä röxsät birelde.

Takaxama atom-töş êlektr stanśiyäse 1974nçe yılnıñ noyabrennän birle ğamäldä. Kiläse ayda ul 50 yılın tutıra.  

Yaponiya atom-töş qullanunı köyläw oyışması, stanśiyädäge 1nçe nomerlı reaktornıñ êşen däwam itüenä röxsät birde. Östämä kontrol’lärdän kürengänçä, reaktor basım tankı neytron basımına qarşı tora ala häm beton da nıqlığın saqlağan. “Kyodo” xäbär agentlığı älege reaktornıñ ildä 50 yıldan artıq êşläyäçäk täwge reaktor bulaçağın citkerde.

1 kavdrat kilometr mäydannı alıp toruçı 4 reaktorlı atom-töş stanśiyäse Yapon diñgeze yarındağı Fukui töbägendä urnaşqan.

Yaponiyada atom-töş reaktorlarına, qanun nigezendä, 60 yılğa qadär êşlärgä röxsät birelä ala.