Xelen ğarasatı zur zıyan saldı

Amerika Quşma Ştatlarında Xelen ğarasatında ülüçelär sanı 133tän arttı. Florida yarlarına säğatenä yaqınça 225 çaqrım tizlek belän bärgän dawılnıñ tiskäre yoğıntısı däwam itä.  

Ğarasat kitergän köçle cil häm yawım-töşem Tön’yaq häm Kön’yaq Karolina, Djordjiya, Florida häm Virdjiniya ştatlarında ülemnärgä kiterde. Hälakätlär säbäple meñnän artıq keşe sıyınu urınnarına yäşerende.  

Bu atnada AQŞ ilbaşı Djo Baydennıñ tabiğıy afättän zarar kürgän cirleklärgä baruı kötelä.