Suğış qorbannarınıñ sanı arta

  İzrailneñ Ğazzä sızığına 7 nçe oktyabr’dän birle däwam itkän höcümnärendä ğomere özelgän fälästinlelärneñ sanı 41 meň 638gä kütärelgän.

Ğazzädäge sälamätlek saqlaw ministrlığı 361 kön barğan höcümnär belän bäyle mäğ’lümatlar citkerde.

Belderüdä äytelgänçä, İzrail armiyäseneñ soñğı täwlektä Ğazzä sızığınıñ törle töbäklärenä oyıştırğan höcümnärendä 23 fälästinleneñ ğomere özelgän, 101 fälästinle cäräxätlängän. 

Şulay itep höcümnärdä ğomeren yuğaltqan fälästinlelärneň sanı 41 meň 638 bulğan, yaralanuçılar - 96 meň 460.

Belderüdä cimereklär astında häm yul çitlärendä äle haman da ülelär barlığı, tik İzrail köçläreneñ totqarlawları arqasında mediśina törkemnäre häm qotqaruçılarnıñ ul urınnarğa barıp mäyetlärne çığara almawı xäterlätelä.