İran İzrailgä raketalar belän höcüm itte
İran inqıylap saqçıları :“Bez İzrailgä distälägän raketa cibärdek"
2193630
İran İzrailgä raketalar belän höcüm itte.
İzrail armiyäsennän yasalğan belderüdä ilgä İrannnan raketalar cibärelüe citkerelde.
Raketalar arqasında il külämendä sirenalar yañğırıy.
İzrail xalqın kisätülärgä iğ’tibarlı bulırğa häm ışanıçlı, qurqınıçsız urınnarda qalırğa çaqırdılar.
İzrail mediası ilgä 100 dän artıq raketa cibärelüen belderde.
İran inqıylap saqçıları isä “Bez İzrailgä distälägän raketa cibärdek, alar cawap qaytarsa, bez alarğa tağın ber tapqır höcüm itärbez” dip belderü yasadı.
Belderüdä şulay uq älege höcümnärneñ “Xamas” liderı İsmail Xäniyyä, ”Xizbulla” liderı Xäsän Nasrallah häm İran generalı Abbas Nilfuraşan üterelgän İzrail höcümnärenä cawap itep başqarıluı citkerelde.
