Angliyä soñğı kümer stanśiyäsen yaba

Angliyä bügen axırğı kümer stanśiyäsen yabıp tulısınça çista ênergiyägä küçä.

Nottingemşir töbägendäge “Rêtkliff-on-Soar kümer êlektr stanśiyäse”neñ yartı ğasırdan artıq tarixı bar. Bügen anıñ yabıluı belän ilneñ 142 yıl däwam itkän kümerdän êlektr citeşterü çorı tögällänä.

Angliyä êlektr tarmağında kümerne qullanılıştan çığarğan berençe G7 ile bulaçaq.

Nottingemşirdäge stanśiyädä yaqınça 100 xezmätkär 2 yıl buyı ob’yektnıñ ğamäldän çığarılu prośessında qatnaşa. Êşlätüçe şirkät alarnı başqa stanśiyälärgä küçerergä yäisä törle tarmaqlarda êş tabu öçen belem birergä planlaştıra.  

Londondağı xalıqara analitik oyışma “Amber”neñ xisabına qarağanda, Angliyäneñ êlektr citeşterü tarmağında 1882nçe yıldan birle qullanılğan kümerneñ öleşe 2012nçe yılda - 39% bulsa, 2019da ul 2%qa töşä.

Xäzerge waqıtta İq’tisadi xezmättäşlek häm üseş oyışması illäreneñ öçtän bere êlektr citeşterü öçen kümer qullanmıy. Alar arasında Kosta-Rika, Êstoniya häm Litva kümerne hiç qullanmağan, ä Şveyśariya, Lüksembug, Latviya, Bel’giyä, Şveśiyä, Avstriya, Portugaliya, Norvegiya häm Slovakiya kümer stanśiyälären yapqan.