Tözeksezlekme, ut törtüme?

Germaniyädä ike törek keşese ülgän yanğınnıñ ut törtü arqasında çığuınnan şöbhälänälär. Waqıyğa uzğan yallarda Êbersval’de şähärendä buldı. Küpqatlı binada başlanğan yanğında Äminä Çoban häm ulı Ömet Can ülde, 6 keşe yaralandı.

Brandensburg töbäge prokuraturası wäkile İngo Keçiçyan älege oçraqnı tikşerülären belderde. “Texnik xilaflıq tügel, yanğınğa kitergän aldan uylanılğan ğamäl buluın uylıybız”,-dide ul.

Ut binanıñ asqı qatında urnaşqan häm remontta bulğan çäçtaraşxanädän çığa. Başta ul êlektr çıbıqlarındağı tözeksezlekkä bäyläp qaralğan ide.