Bayden Trampqa şaltırattı

Amerika Quşma Ştatları ilbaşı Djo Bayden çirattağı “üterü omtılışı” buluı açıqlanğan waqıyğadan soñ Donal’d Trampqa şaltırattı.

Aq Yorttan belderülärençä, Bayden şaltıratıp Trampnıñ isän-imin buluına söyenüen äytkän. İke arada samimi söyläşü bulğan häm Tramp şaltıratu öçen räxmäten beldergän.   

AQŞ däwlät başlığı saylawlarına kandidat Tramp ta yazmaça belderüendä Bayden belän êçkersez söyläşü buluın citkerä.

İsegezgä töşeräbez, Trampnıñ Floridadağı gol’f qırında monnan aldağı kiç atqan tawışlar işetelde, şunnan soñ êlekkege ilbaşınıñ isän-saw buluı äytelde. Waqıyğadan soñ şul tirädäge quaqlıqlarda “AK-47” mıltığı tabıla häm ber şöbhäle êläkterelä.

FBI Trampnı üterergä mataşu şikelle kürenüçe oçraqnı tikşerüen belderde.