Dunay yılğasında suğıştan qalğan korab

Serbiyäneñ könçığışındağı Praxovoda Dunay yılğasınıñ suları kimegäç İkençe Bötendön’ya suğışınnan qalğan nemeś korabınıñ qaldıqları kürende.

Cirle mediada urın alğan xäbärlärgä qarağanda, soñğı waqıtta bulğan çiktän tış êsseleklär arqasında Dunay yılğası sayığa. Näticädä suğış waqıtında batqan Germaniyä xärbi korabınıñ korpusına qadär kürenä başlıy. Anıñ, kügärüenä qaramastan, bötenlegen saqlap qaluı iğ’tibarnı cälep itä.

Korabnıñ faşist Germaniyäseneñ Qara diñgez flotına qarawı äytelä. Ul Sovetlar Berlege köçlärennän qaçıp kire çigengändä 1944nçe yılda batqan.

Serbiyäneñ Rumıniyä belän çigendä bulğan Dunay yılğasında İkençe Bötendön’ya suğışı waqıtında batqan 200dän artıq korabnıñ cimerekläre tabıldı.

Su östenä çıqqan korablarnıñ yılğadağı transport ağımına uñaysızlıq tudıruı belderelä.