Ğazzädä bügen 6 BMO xezmätkäre üterelde

Berläşkän Millätlär Oyışması ğomum särqatibe Antonio Guterriş Ğazzä sızığında Nusayrat möhacir lagerındağı yäşägän urınnarınnan küçerelgän xalıq sıyınğan mäktäpkä İzrail armiyäseneñ höcümendä 6 BMO xezmätkäreneñ ülüen belderde. Ul “X” akkauntında bu xaqta yazma urtaqlaştı.

Guterriş: “Ğazzädäge waqıyğalar berniçek tä qabul itelmäs” dip assızıqlıy häm İzrailneñ bügen qabat yaqınça 12 meñ keşe sıyınğan mäktäpne utqa totuın citkerä. Älege uqu yortı BMOnıñ Yaqın Könçığıştağı fälästinle möhacirlärgä yärdäm häm mäşğul’lek agentlığına qarıy.

Ğazzä sızığındağı grajdanlı saqlanu idaräse citkergänçä, mäktäpkä yasalğan höcümdä 18 keşe ülä, 18e yaralana. Hälaq buluçılar arasında xatın-qızlar häm balalar bar.