Êsselektän akulalar da cäfalana
Rif akulalarınıñ yäşägän urınnarın taşlap tağın da salqınça sularğa kitüe açıqlanğan
Êsse hawa akulalarğa da täêsir itte. Angliya, Amerika Quşma Ştatları häm Avstraliya tikşerenüçeläre rif akulalarınıñ okeannar cılınğan sayın cimerelüçe märcän rifların taşlap kitüen açıqladı.
Hind okeanınıñ üzäk öleşlärendä şundıy 120dän artıq sorı rif akulasına küzläw cihazı berketelä. Alarnıñ 2013nçe yıldan 2020nçe yılğa qadärge xäräkätläre qarala. İyärçen mäğ’lümatların da küz uñında totuçı tikşerenüçelär Êl-Nin’yo şikelle hawa torışı küreneşläre säbäple cimerelüçe märcän riflarında akulalarnıñ siräk kürenä başlawın belderä. Alar 16 ay buyı riflarğa kire qaytmıy häm tağın da tirän, salqınça sularğa kitüne östen kürä.
Tikşerenüçelär fikerençä, märcän rifların keşelär belän bäyle zararlardan saqlaw akulalarnıñ yäşäw urınnarında qala aluı öçen ähämiyätle bulaçaq.
