Qıtay ğalämgä kirpeç cibärä
3 yıl däwam itäçäk sınawda ğalimnär kirpeçlärneñ Ayda baza tözü öçen yaraqlılığın tikşeräçäk
2184933
Qıtay Ayda tikşerenü bazası tözü öçen ğalämgä kirpeç cibäräçäk. İlneñ ğalimnäre alarnı iyärçenneñ tufrağın simulyaśiyäläp yasıy häm qullanıp bulaçaqmı-yuqmı ikänen açıqlarğa teli. Ürnäk kirpeçlärneñ soñınnan Aydağı awır şartlarğa çıdamlılığı sınalaçaq.
Yökne kilşäse ayda “Tyan’gun” ğaläm stanśiyäsennän “Tyan’çjou -8” korabı belän ğalämgä cibärü küzdä totıla. 3 yıl däwam itäçäk sınawda ğalimnär ürnäk kirpeçlärneñ nurlanış häm temperatura üzgäreşläre yoğıntısında niçek bozıluın küzätäçäk.
Pekin fänni tikşerenülär öçen 2035nçe yılğa qadär Aynıñ kön’yaq qotıbı tiräsendä Xalıqara Ay tikşerenü stanśiyäse dip tä ataluçı baza tözergä planlaştıra.
