İtaliyada köçle dawıl

İtaliyädä soñğı könnärdä täêsirle bulğan köçle dawıl häm quätle yawım-töşem su basu häm taşqınnarğa kiterde.

Cirle matbuğattağı xäbärlärgä qarağanda, ilneñ tön’yağındağı Al’plarınıñ yaqınça 4 meñ metr biyeklektäge Monte-Roza tawında dawıl arqasında qar taşqını bula häm şul çaqta öskä kütärelüçe qayber al’pinistlarnıñ anıñ astında qaluı uylanıla. 8 tawçınıñ zarar kürüe, qayberläreneñ yaralanuı turında mäğ’lümatlar bar.  

Matbuğatta Al’plarnıñ iñ yuğarı noqtası Monblanğa kütärelüçe 4 tawçınıñ atna axırında çıqqan dawılda yuqqa çığuı da äytelä. Alarnıñ 2se koreyalı, 2se ital’yan. Tawçılarnı êzläw-qotqaru êşläre däwam itä.  

Toskana häm Lombardiya töbäklärendä dawıl häm çiktän tış köçle yañğırlar arqasında qayber toraq punktlarda su basu häm taşqınnar bula, yortlarnıñ tübäse oça, ağaçlar töbennän quba.

Başqala Rimda da kiçä tönlä häm irtänge säğat’lärdä köçle yañğır näticäsendä su basular küzätelä.