Höcümnär däwam itä: yuğaltular arta
Suğış qorbannarınıñ sanı 40 meň 988gä citkän
İzrailneñ Ğazzä sızığına 7 nçe oktyabr’dän birle däwam itkän höcümnärendä ğomere özelgän fälästinlelärneñ sanı 40 meň 988gä kütärelgän.
Ğazzädäge Fälästin sälamätlek saqlaw ministrlığı 339 kön barğan höcümnär belän bäyle mäğ’lümatlar citkerde.
Anda äytelgänçä, İzrail armiyäse soñğı täwlektä Ğazzä sızığınıñ törle töbäklärendä 2 “küpläp üterü” başqarğan, älege höcümnärdä 16 fälästinleneñ ğomere özelgän, 64 fälästinle cäräxätlängän.
Şulay itep höcümnärdä ğomeren yuğaltqan fälästinlelärneň sanı 40 meň 988 bulğan, yaralanuçılar - 94 meň 825.
Fälästin sälamätlek saqlaw ministrlığı belderüendä cimereklär astında häm yul çitlärendä äle haman da ülelärneñ buluı, tik İzrail köçläreneñ totqarlawları arqasında mediśina törkemnäre häm qotqaruçılarnıñ urınnarğa barıp mäyetlärne çığara almawı xäterlätelä.
