İzraildä äsir almaşunı taläp itälär

İzrailneñ bik küp urınında Ğazzä sızığındağı fälästinle törkemnär belän äsir almaşu kileşüe tözüne taläp itep xalıq uramğa çıqtı. Tel’Aviv, Qudüs, Xayfa häm başqa şähärlärdä distälärçä meñ izraille demonstraśiyädä qatnaştı. Alar Bin’yamin Netan’yaxu xökümätennän kiçekmästän äsir almaşu turında kileşüne taläp itep şiğar’lär qıçqırdı, plakatlar kütärde.

Telekanallar kiçäge demonstraśiyäneñ 2023nçe yılnıñ 7nçe oktyabrennän birle uzdırılğan iñ zur çara buluın belderde.

Bilgele bulğança, bäreleşlärne tuqtatu öçen yaqlar arasında söyläşülär ozaq waqıttan birle däwam itä. İzrail häm xalıqara cämäğat’çelek Netan’yaxunı säyäsi säbärlär arqasında “Xamas” belän äsir almaşmawda ğayepli. Anıñ kileşü proyektına östägän maddäläre, bigräk tä “Filadel’fiya koridorı” dip ataluçı Misır belän Ğazzä çik buyı sızığında kontrolen däwam itü öçen üz süzendä toruı söyläşülärne qıyınlaştıra.