İr-atlar belän xatın-qızlar fizik künegülärdä berdäy tügel
Xatın-qızlar daimi räweştä sport belän şöğal’länüneñ faydasın ir-atlardan kübräk kürä
Amerika Quşma Ştatlarında ğalimnär fizik aktivlıqnıñ ir-atlar häm xatın-qızlarğa qarap täêsire üzgäräme-yuqmı ikänen açıqlaw öçen 1997nçe yıldan başlap 2017nçe yılğa qadär Milli sälamätlek turında soraştıruda qatnaşqan 412 meñnän artıq keşeneñ mäğ’lümatların analizladı.
Tikşerenüçelär ir-atlarnıñ daimi fizik künegülärdän xatın-qızlar belän ber ük däräcädä fayda kürüläre öçen tağın da kübräk şöğıl’länüläre kiräklegen açıqladı. Xatın-qızlarnıñ atnada 140 minut urtaça awır däräcädäge künegüläreneñ ir-atlarnıñ 300 minutına tiñ buluın belderdelär.
Tikşerenüdä kürengänçä, daimi fizik künegülär yasawçı xatın-qızlarnıñ yöräk-qan tamırları awıruları, yöräk öyänäge yäisä baş miyenä qan sawudan ülü kürsätkeçe 36%qa kimräk terkälä, daimi şöğıl’länüçe ir-atlarda isä ul - 14%.
