Xastaxanälärdäge wazğıyät' borçu tudıra
Sälänik häm Urta Makedoniyadäge däwlät xastaxanälärendä medpersonal citmi, cihazlar iskergän
Greśiyaneñ Sälänik häm Urta Makedoniya ölkälärendäge däwlät xastaxanälärendä sälamätlek saqlaw xezmätlärendäge problemalar borçuğa sala.
İlneñ Däwlät xastaxanäläre xezmätkärläre federaśiyase tarafınnan äzerlängän xisapka kürä Säläniktäge AHEPA xastaxanäse belän ber rättän şaqtıy bol’niśada medpersonal citmi, cihazlar iskergän.
Xisapta sälamätlek saqlaw xezmätendäge problemalarnıñ borçuğa saluçı däräcägä citüe urın ala.
Sälänikneñ möhim sälamätlek saqlaw oyışması bulğan AHEPA xastaxanäsendä 4 operaśiya bülmäse genä êşli, qalğannarı şäfqat’ tutaşı häm mediśina materialı citeşsezlege arqasında qullanılmıy.
Bu oçraqta operaśiya yasatır öçen kötü waqıtı - 1 yıl häm annan da kübräk.
Xisaptan kürengänçä medpersonal citmäw arqasında xastaxanäneñ sälamätlek saqlaw xezmäkärläre kübräk sägät’ êşlärgä mäcbür.
Xisapta bolay diyelä: “Cihazlarnıñ citmäwe häm iske buluı diagnoz quyunı häm däwalawnı kiçekterä. Zamança cihazğa ixtıyac bar.”
Urta Makedoniya ölkäsendäge xastaxanälärdä dä oxşaş problemalar bar.
