Rusiyäneñ Poltavağa höcümendä ülüçelär arttı

Ukraina däwlät başlığı Volodimir Zelenskiy Rusiyä armiyäseneñ kiçä Poltava şähärenä raketa belän höcüm itüe näticäsendä ğomere özelüçelärneñ sanı 51gä, yaralanuçılarnıñ 271gä citüen belderde. Ul “Telegram” kanalında videoyazma urtaqlaştı. “Êzläw -qotqaru êşläre däwam itä, cimereklär çistartıla”,-dide Zelenskiy.

Ukraina liderı Rusiyä armiyäseneñ höcümdä 2 ballistik raketa qullanuın, waqıyğa urınında tikşerü baruın söyläde. Monnan aldağı belderüendä ul ber institutnıñ öleşçä cimerelüen häm yänäşäsendäge xastaxanäneñ dä zarar kürüen äytkän ide.