İzrailgä qayber qoral satışları tuqtala

Angliya tışqı êşlär ministrı Dêvid Lemmi Angliya parlamentında yasağan çığışında İzrailgä başqarıluçı qoral êksportı liśenziyaläreneñ qayberlären ğamäldän çığaraçağın citkerde.

Angliya ministrı äytüençä, älege qarar liśenziyalärneñ xalıqara xoquqnıñ bozıluı häm bozıluınıñ qulaylaştırıluı öçen risk tudıruı bilgelängän tikşerüdän soñ qabul itelde.

“350 liśenziyaneñ yaqınça 30ı tuqtatılaçaq. Mondıy bäreleş qarşında Angliyaneñ êksport liśenziyalären küzdän kiçerüe bu xökümätneñ qanuni wazıyfası bulıp tora. Bu ğomum tıyu yäisä qoral êmbargosı tügel,” – dide ul.

İzrail tışqı êşlär ministrı ileneñ qarar arqasında “xıyallarınıñ çelpärämä kilüen”, Angliyaneñ bu adımınıñ “Xamas” häm İrandağı xuplawçılarına problema tulı yullama yasawın citkerde.