Yämändäge şartlawda ülüçelär bar

Yämänneñ Aden şähärendä yağulıq stanśiyäsendä şartlaw buldı. Anda 5 keşe ülä, 10sı yaralana.

Cirle çığanaqlardan alınğan mäğ’lümatlarğa qarağanda, waqıyğa Äl-Mansura rayonında bula. Şartlawnıñ kilep çığu säbäbe älegä bilgele tügel. Anıñ ike toraq yort arasındağı stanśiyädä buluı arqasında ülüçelär sanı artuı mömkin.

Şul tirädä yäşäwçelär äytüençä, şartlaw gaz lokomotivlarınıñ berse stanśiyädä yögen buşatqan waqıtta bula.

Yämän räsmi mäğ’lümat agentlığı “SABA”nıñ xäbärenä qarağanda, xökümät räise Äxmät Avad Möbäräk waqıyğa belän bäyle aşığıç räweştä tikşerü başlaw häm oxşaş oçraqlarnı kisätü öçen çaralar kürü kürsätmäse birde.