Xar'kovqa höcüm

Rusiyäneñ Ukrainadağı Xar’kov şähärenä idarä itelüçe bombalar belän yasalğan höcümendä kimendä 6 keşeneñ ülüe, 59ınıñ yaralanuı belderelde.

Xar’kov regionı xärbi idarä başlığı Oleg Sinegubov sośial’ media aşa citkergänçä, höcümdä şähärneñ İndustrial’noye rayonındağı 12 qatlı toraq yort utqa totılğan, 5 texnika zıyan kürgän, Sloboda rayonında isä ber saqlağıç binası belän 3 yort cimerelgän. Waqıyğa urınında êzläw-qotqaru êşläre bara.  

Ukraina däwlät başlığı Volodimir Zelenskiy sośial’ mediadağı yazmasında Rusiyäneñ tınıç xalıqnı, ğadäti öylärne nişanğa aluın belderde.

“Bu höcümdä ruslarnıñ idarä itelüçe bombaları qullanıldı. Saqlanu köçlärebez xärbi oçqıçlarnı torğan cirlärendä yuq itü mömkinlegenä iyä bulsa, bu höcüm tormışqa aşmas ide. Bu terrornı tuqtatu öçen berlektäşlärebezneñ köçle qararlarına ixtiyacıbız bar. Bu, hiçşiksez, ğadel ixtiyac. Ukrainanıñ saqlanuın çikläwneñ bernindi mantıyqlı säbäbe yuq. Yıraqqa atuçı qorallar kiräk”, di Zelenskiy.