Germaniya äfğannarnı deportaśiyalägän

Germaniya şaqtıy Äfğanstan watandaşın ildän cibärgän.

Germaniya xökümäte süzçese Ştefan Xebeştrayt yazmaça belderü yasap, ileneñ 2021 yılnıñ avgustınnan bügengä qadär berençe tapqır Äfğanstan watandaşların deportaśiyaläwen citkerde.

Keşe sanın açıqlamağan süzçe äytüençä, berseneñ da Germaniyadä qalu xoquqı bulmağan.

Germaniya xökümäteneñ mondıy kire cibärülär mäs’äläsendäge täwäkkällelegen däwam itteräçägen assızıqlağan Xebeştrayt: “Germaniyaneñ qurqınıçsızlıq mänfäğat’läre, cinayät’çe häm qurqınıç keşelärne saqlaw mänfäğatennän östenräk,” – dide.

“Spiegel” jurnalı xäbärenä kürä Leypśig şähärennän bügen irtän 28 Äfğanstan watandaşı oçqıç belän Qabulğa cibärelde.

Xäbärdä cinayät’çe äfğannarnıñ Taliban citäkçelekkä kilgännän soñ berençe tapqır deportaśiyalänüe urın ala.