Rusiyä Awrupa Berlegen qaraqlıqta ğayepläde

Rusiyä däwlät başlığı sarayı Kreml’ süzçese Dmitriy Peskov Awrupa Berlegeneñ tuñdırılğan Rusiyä aktivların êkspluataśiyäläwdän kilgän keremne Ukrainağa küçerülären “qanunsızlıq” häm “qaraqlıq” dip atadı. Ul başqala Mäskäwdä könüzägendäge mäs’älälär turında jurnalistlarnıñ sorawlarına cawap birde.  

Peskov “Telegram” xäbärläşü quşımtasına nigez salğan Pavel Durovnıñ Franśiyädä 24nçe avgustta qulğa alınuınnan soñ mäxkämä tarafınnan irekkä cibärelüe xaqında: “Monıñ säyäsi êzärlekläwgä äwerelmäwe ähämiyätle,”-dide.  

Süzçe Awrupa Berlege tışqı mönäsäbätlär häm iminlek säyäsäte yuğarı wäkile Djozef Borrel’neñ tuñdırılğan Rusiyä aktivlarınnan kilgän keremneñ 1,4 milliard yevrosın Ukrainağa cibärüläre turındağı belderüenä qarata isä bolay cawap birde: “Bu qanunsız ğamäl. Monıñ hiçşiksez xoquqıy näticäläre bulaçaq. Bu qanunsız üzläşterüdän başqa berni tügel. Rusça äytkändä, qaraqlıq”.