Xan Yunısta êzläw-qotqaru êşläre alıp barıla

İzrail armiyase Xan Yunıska 4 kön êlek oyıştırğan höcümdä ber öyneñ xäräbälärennän 11 mäyet çığarılğan.

Ğazzädäge grajdannarnı saqlaw oyışmasınnan yasalğan yazmaça belderügä kürä İzrail 21 avgust könne Ğazzä sızığınıñ kön’yağında urnaşqan Xan Yunısnıñ könbatışına oyıştırğan höcümdä maqsat itep alınğan öy xäräbälärendä êzläw-qotqaru êşläre alıp barıla.

Törkemnär Äbu Hedrus ğailäseneñ öye xäräbälärendäge êşçänleklärdä höcümdä ğomeren yuğaltqan 11 fälästinleneñ mäyeten taptı.

İzrail armiyasenä bäyle xärbi oçqıçlar 21 avgustta Äbu Hedrus ğailäse öyen bombağa totqan ide.

Yaralanuçılarnı êvakuaśiyalärgä telägän sälamätlek häm grajdannarnı saqlaw törkemnärenä İzrail ğaskäriläre qomawçawladı.

Xan Yunıska kergän häm könnär buyı höcümnär oyıştırğan İzrail ğaskäriläre kiçä şähärneñ tön’yaq häm könbatışınnan çigenep, könçığışına yul totqan ide.

İzrail ğaskäriläre Xan Yunıs şähäreneñ tön’yağında fälästinlelärneñ öylären bul’dozerlar belän cimerde.