Kim Çen-In yaña dronnardan qanäğat'

Tön’yaq Koreya liderı Kim Çen-In yaña yasap çığarılğan dronnarnı sınaw barışın qaradı häm tağın da kübräk kamikadze dronnar citeşterergä çaqırdı.

Tön’yaq Koreya üzäk mäğ’lümat agentlığınıñ xäbärenä qarağanda, cirdä häm diñgezdä “maqsatlarğa höcüm itü” öçen qullanılaçağı äytelüçe dronnar test aşa ütte. Kim älege sınawlarnı qarağannan soñ tağın da kübräk häm törle “kamikadze dronnar”, monnan tış “strategik küzläw häm höcüm” dronnarı çığaru kiräklegen assızıqladı. Ul alarnı yasawda yasalma aqıl texnologiyäseneñ dä qullanıluı öçen êşçänlek alıp barırğa çaqırdı.