Qıtay atom ênergiyäse ölkäsendä dönya liderı bulunı maqsat itä
Qıtayda 5 ayırım töbäktä 11 yaña atom ênergiyäse reaktorınıñ tözelüe xuplandı.
Milli matbuğatta çıqqan xäbärlärgä kürä, ildä kabinet wazıyfasın başqaruçı Däwlät Şurası monnan aldağı könne ütkärgän cıyılışta tön’yaqta Şandong, könçığışta Ciangsu belän Cıciang, kön’yaqta Guangdong vilayätläre belän Guangşi Cuang üzidaräle töbägendä yaña atom reaktorlarınıñ salınuına qarar qıldı.
11 yaña reaktör yaqınça 220 milliard yuanğa (30,85 milliard dollarğa) töşäçäge farazlana.
Däwlätkä bäyle Qıtay ğomum atom ênergetikası şirkäte (CNGP) 6, Qıtay milli atom ênergetikası şirkäte (CNNC) 3 häm Däwlät ênergetika investiśiyä şirkäte (SPIC) 2 reaktornıñ tözeleşen üz östenä alaçaq.
Qıtay 2022nçe häm 2023nçe yıllarda da unışar yaña reaktornıñ salınuın raslağan ide.
Xäzerge waqıtta 55 aktiv atom reaktorına iyä Qıtay - Amerika Quşma Ştatları häm Franśiyädän soñ iñ küp reaktorğa iyä il.
Qıtay proyekt yäki tözelü êtabındağı 36 reaktornıñ östälüe belän 2030nçı yılda atom ênergiyäse küäte ölkäsendä dönya liderı bulunı maqsat itä.
Bäyläneşle xäbärlär
Ğazzädä tağın ber jurnalist üterelgän
Şulay itep höcümnärdä üterelgän jurnalistlar sanı 177gä citkän
