"İke il arasındağı mönäsäbätlär söyenderä"

Rusiyä ilbaşı Vladimir Putin Azärbaycanda däwlät başlığı İlham Äliyev belän küreşep söyläşte.

Söyläşüdä Äliyev Azärbaycan belän Rusiyä arasındağı mönäsäbätlärdän bik qanäğat’ buluların äytte.

Azärbaycan ilbaşı 2022 yılda imzalanğan berlektäşlek beldergeseneñ uñışlı räweştä ütälüen, säyäsi häm iqtisadi ölkädä bik uñay näticälär aluların belderde.

Rusiyä belän ênergetika häm transport ölkäsendä dä xezmättäşlek başqaruların citkergän Äliyev gumanitar mönäsäbätlärgä dä ähämiyät birülären açıqladı.

İlham Äliyev Putin säfäreneñ Azärbaycan belän Rusiyä mönäsäbätläre cähatennän faydalı bulaçağın assızıqladı.

Putin da ike il arasındağı mönäsäbätlärneñ 2022 yılda imzalanğan berlektäşlek beldergese nigezendä uñışlı räweştä üsüen äytte.

Rusiyä ilbaşı ileneñ Ukraina belän bergä ber törkem krizislar belän oçraşuın xäterlätep: “Fäqat’ Rusiyäneñ Kön’yaq Qavqazdağı tarixta bar buluı, soñğı yıllarda biredä barlıqqa kilgän waqıyğalarda qatnaşunı mäcbüri qıla. Hiçşiksez, monı taraflar telägän ülçämdä başqarabız. Azärbaycan belän Ärmänstan arasında tınıçlıq urnaştıru kileşüeneñ imzalanuı öçen berärnärsä başqara alsaq, barışnı ike il arasında çik buylarınıñ bilgelänüe häm logistik liniyalärneñ açıluına qadär citkerä alsaq, bik qanäğat’ bulır idek. Azärbaycanğa säfäremnän soñ Ärmänstan prem’yer-ministrı Nikol Paşinyan belän êlemtä qorıp, säfäremneñ näticäläre turında mäğlümat biräçäkmen,” – dide.

Putin Rusiyä belän Azärbaycan arasındağı yıllıq säwdä külämeneñ 4 milliard dollardan artuın äytep, bu sannıñ yaxşı fäqat’ ike il mömkinçelekläre potenśialına yaraşlı bulmawın açıqladı.

Azärbaycanda 300 mäktäptä belemneñ rus telendä birelüen xäterlätkän Putin bu ildä rus telenä birelüçe ähämiyättän toyğan qanäğat’lelekne citkerde.