AQŞ, Kön’yaq Koreyä häm Yaponiyäneñ urtaq beldergese
Amerika Quşma Ştatları, Kön’yaq Koreyä häm Yaponiyä "regional’ awırlıqlar, provokaśiyälär häm yanawlar xaqında” kiñäşläşü häm iminlek ölkäsendä öç yaqlı xezmättäşlekne üsterüdä täwäkkäl buluların belderde
AQŞ, Kön’yaq Koreyä häm Yaponiyä Camp David sammitınıñ berençe yıllığı mönäsäbäte belän urtaq yazmaça belderü bastırdı.
Belderüdä öç ilneñ Camp David yuğarı däräcäle oçraşuınnan soñ öç yaqlı xezmättäşlek qısalarında alğa kitülärenä basım yasalıp, töbäktä häm dönyada iminlek belän mullıq ölkäsendä alğarış kebek urtaq maqsatların tormışqa aşıru öçen êşçänlek alıp baruı citkerelde.
AQŞ, Kön’yaq Koreyä häm Yaponiyäneñ "regional’ awırlıqlar, provokaśiyälär häm yanawlar xaqında” kiñäşläşüne däwam itterüläre bilgeläp uzılğan belderüdä taraflarnıñ iminlek ölkäsendä xezmättäşlekne xezmättäşlekne üsterüdä, urtaq iq’tisadi häm texnologik ahäñne arttıruda täwäkkäl bulularına basım yasaldı.
Belderüdä AQŞ, Kön’yaq Koreyä häm Yaponiyäneñ öç yaqlı xezmättäşlek belän alğa alıp barılğan alğarışnı qotlawları häm Hind-Tın okeanı töbägendä “tınıçlıqnı häm totrıqlılıqnı däwam itäçäkläre” iskärtelep uzıldı.
AQŞ, Kön’yaq Koreyä häm Yaponiyä liderları uzğan yılda Amerika Quşma Ştatlarınıñ Camp David qasabasında Tön’yaq Koreyä buldırğan yanawğa qarşı öç yaqlı yuğarı däräcäle oçraşuda cıyılğan, sammittan soñ Tın okeanındağı iminlek yanawlarına qarşı törle ölkälärdä öç yaqlı xezmättäşlekne kiñäytü qararına kilengän ide.
