Pentagon: “Bez İrannıñ höcüm ixtimalına äzer”
Amerika Quşma Ştatları saqlanu ministrlığı (Pentagon) Yaqın Könçığıştağı wazğiyätneñ "bik citdi" buluın, buluı mömkin İran höcümenä "äzer" buluların belderde
Pentagon süzçese Pêt Rayder (Pat Ryder) köndälek matbuğat oçraşuında jurnalistlarnıñ sorawlarına cawap birde.
"Yaqın Könçığıştağı wazğiyät xäzerge waqıtta bik citdi”- dip äytüçe Rayder şuña kürä Saqlanu ministrı Lloyd Ostinnıñ (Austinnıñ) töbäkkä östämä saqlanu qoralların häm xärbi kiräk-yaraqlarnı cibärüne “boyıruın” belderde.
Bu atnada İrannıñ İzrailgä cawap qaytaruı mömkinme digän sorawğa Rayder: "Hiçşiksez mömkin”, - dip cawap birde.
Pentagon süzçese: "(Buluı mömkin höcümgä) citdi qararğa kiräk häm monı yasawıbıznı äytüdän tış, qayçan höcüm itäçäklären farazlarğa yäki spekulyaśiyä yasarğa tırışmıym. Şuña kürä bez äzer bulırğa tiyeş häm bez äzer”, - dip äytte.
Pentagon süzçese töbäktä berkemneñ dä “kiyerenkelekneñ artuın kürergä telämäwen häm xäzerge wazğiyätneñ regional’ bäreleşkä äylänüen telämäwen” belderde.
“Xamas” säyäsi byuro başlığı İsmäğil Xäniyä 31nçe iyül’dä İran başqalası Tähranda üterelgän ide.
İran häm “Xamas” höcümneñ artında İzrailneñ buluın beldergän, Tähran Tel-Aviv citäkçelegenä cawap qaytaraçağın iskärtep uzğan ide.
Pentagon bu ay başında İrannıñ İzrailgä buluı mömkin cawabın qaytaruın totqarlaw öçen Amerika Quşma Ştatlarınıñ Yaqın Könçığışta östämä xärbi köçlären urnaştıraçağın iğ’lan itkän ide.
Bäyläneşle xäbärlär
Qoyaştağı şartlaw täêsire Cirgä kilep citte
Qoyaşta 8 oktyabr’dä bulğan şartlawnıñ täêsire bügen häm irtägä Cirdä sizeläçäk
