AQŞ İzrailgä qabat qoral cibärä

Amerika citäkçelege Ğazzägä höcümnären tuqtatmawçı İzrailgä 20 milliard dollardan artuçı qoral häm xärbi kiräk-yaraq satışın rasladı.

Pentagonğa bäyle Saqlanu, qurqınıçsızlıq häm xezmättäşlek agentlığınnan yasalğan belderügä kürä AQŞ Däwlät departamentı İzrailgä milliardlarça dollarlık yaña qoral satışın rasladı.

Şul räweşle İzrailgä xärbi oçqıçlar, hawadan hawağa ırğıtıluçı raketalar, tank häm artilleriya kiräk-yaraqları cibäreläçäk.

Tuplam bäyäse 18 milliard 900 million dollar bulğan 50 danä F-15IA häm 25 danä F-15I xärbi oçqıçı belän bolarnıñ xärbi kiräk-yaraqları satış êçendäge iñ zur paynı täşkil itä.