Ukraina häm Rusiyäneñ kontrol’ astına alınğan cirlär turındağı belderüläre

Ukraina Ğomum ştab başlığı Oleksandr Sırskiy sośial’ media akkauntınnan: “Xäzerge waqıtta Rusiyä cirläreneñ yaqınça 1 meñ kvadrat çaqrımı Ukraina qorallı köçläreneñ kontrole astında”, - dip citkerde.

Rusiyä tarafı isä uzğan ayda Doneśk töbägendä 19 toraq urınnıñ Rusiyä armiyäseneñ kontrolenä küçüen belderde.

Rusiyä saqlanu ministrlığınnan yasalğan belderüdä: "İvanovka, Sergeyevka, Makeyevka, Kirovo, Artyomovo häm Jelannoye toraq urınnarınıñ Ukraina ğaskärilärennän arındıru barışı tögällänergä tora.”, - dip äytelde.

İke il 2022nçe yılnıñ fevral’ ayınnan birle suğışa.