Ğazzädä soñğı wazğıyät'

İzrail armiyase Ğazzä sızığınıñ törle töbäklärenä kiçä oyıştırğan hawadan höcümnärdä 35 Fälästin watandaşı yaqtı dön’yadan kitkän. Şaqtıy fälästinle yaralanğan.

İzrail armiyase Ğazzäneñ tön’yağı, urta töbäge häm kön’yağına küp sanda hawadan höcüm oyıştırdı.

Ğazzä şähäreneñ kön’yaq-könçığışındağı Äz-Zäytün mäxälläsendä urnaşqan Bädr cämiğı yanında oyıştırılğan höcümdä 6, Äbu Hasira prospektında ber öygä yasalğan höcümdä 2 Fälästin keşese ülde.

Ğazzä sızığınıñ urta töbägendäge Buräyc qaçaqlar lagerenä oyıştırılğan höcümdä 2 fälästinleneñ ğomere özelde, 7 fälästinle yaralandı. Alardan 4ese- balalar.

Nusäyrat qaçaqlar şähärçegeneñ tön’yaq-könbatışında yaralanğan häm Däyr- äl Bälah şähärendä Aqsa şähitläre xastaxanäsendä yatqan Fälästin yegete dä yaqtı dön’yadan kitkän.

Ğazzäneñ Xan Yunıs şähärendä isä 24 fälästinle İzrail armiyaseneñ hawadan höcümnärendä ülgän.