"Sıyfatsız rizıq xastalıqqa kiterä"

Bötendönya sälamätlek saqlaw oyışmasınıñ Tuqlanu häm azıq-tölek qurqınıçsızlığı departamentı mödire Françesko Branka BMOnıñ Jenevadağı ofisınıñ atnalıq matbuğat oçraşuında 7 iyun’ Bötendön’ya azıq-tölek qurqınıçsızlığı köne uñayınnan belderü yasadı.

“Bar dönyada här kön yaqınça 1 million 600 meñ keşe sıyfatsız azıq-tölek arqasında awırıy,” – digän Branka bu xastalıqlarnıñ 40%ınıñ 5 yäş’tän keçkenä balalarda kürelüen äytte.

Françesko Branka global’ azıq-tölek belän täêmin itüneñ könnän-kön ber-bersenä bäylänüen, sıyfatlı bulmağan azıq-tölek tudırğan risklarnıñ cirle problemadan xalıqara ğadättän tış xälgä äylänä alaçağın assızıqladı.

“Dön’yanıñ küp kenä urınındağı gumanitar krizislar azıq-tölek qurqınıçsızlığına yanıy. Azıq-tölekne sıyfatlı bulğanda ğına qullanıp bula,” – dide ul.