Meksika Putinnı qulğa almayaçaq
Meksika Däwlät başlığı Andres Manuel Lopez Obrador urınına saylanğan Claudia Sheinbaumnıñ 1nçe oktyabr’däge ant itü tantanasında qatnaşqan oçraqta Rusiyä Federaśiyäse İlbaşı Vladimir Putinnıñ qulğa alınuı taläben kire qaqtı
Taläp Ukrainanıñ Meksikadağı ilçelegennän yasalğan ide.
8nçe avgustta Ukraina ilçelege Meksika citäkçelegenä yazğan xatında Putinnıñ qulğa alınuın telägän, Xalıqara cinayät mäxkämäseneñ Putin öçen qulğa alu boyırığın birüen xäterlätkän ide. Xatta Xalıqara cinayät mäxkämäseneñ xökem çığaru wäqaläten tanığan il bularaq Meksikanıñ, yöklämäsen ütäp, Putinnı qulğa aluınıñ zarurlığı belderelgän ide.
Oyıştırğan matbuğat oçraşuında Andres Manuel Lopez Obrador ileneñ bu taläpne itü almayaçağın belderde. Obrador: “Monı yasıy almıybız. Bu bezgä bäyle tügel”, - dip äytte.
Xalıqara cinayät mäxkämäse yaz köne Putinnı häm Rusiyäneñ bala xoquqları wäkile Mariya L’vova-Belovanı qulğa alu qararın qabul itkän ide. Kreml’ bu qararnıñ xoquqıy nigezeneñ bulmawın, çönki Rusiyäneñ Xalıqara cinayät mäxkämäse nigezlängän Rim statusına quşılmawın beldergän ide.
