Rusiyäneñ Kursk töbägendä ğadättän tış xäl

İlneñ Ukraina çige yanında urnaşqan Kursk töbäge gubernatorı wäkile Aleksey Smirnov Rusiyä häm Ukraina xärbi köçläre arasında yäşängän bäreleşlär arqasında töbäktä ğadättän tış xäl iğ’lan itelüen belderde.

Smirnov “Telegram” kanalınnan yasağan belderüendä Ukraina armiyäseneñ Kursk töbägenä monnan aldağı könne başlatqan höcümnärennän soñğı wazğiyät turında mäğ’lümat birde.

Şartlarnıñ "awır", fäqät kontrol’ astında buluın belderüçe Smirnov: "Doşman xärbi berlekläreneñ Kursk töbägenä kerüeneñ näticälären beterü öçen töbäktä 7nçe avgusttan başlap ğadättän tış xäl iğ’lan itü qararın qabul ittem”, - dip äytte.

Rusiyä sälamätlek saqlaw ministrlığı isä Ukraina xärbiläreneñ töbäkkä höcüme näticäsendä yaralanuçılar sanınıñ 31gä citüen belderde.

Rusiyä İlbaşı Vladimir Putin iminlek wazıyfalıları belän bergä Kursk töbägendäge wazğiyätkä qağılışlı cıyılış ütkärgän, xökümättän tınıç xalıqqa yärdäm kürsätelüe öçen adım yasawı soralğan ide.