İzrailgä oçışlar tuqtatıla

İzraildä tapşıruların alıp baruçı “Kanal 12”neñ xäbärendä Yaqın Könçığışta artqan iminlek kiyerenkelege arqasında İzrailgä baru häm qaytu oçışların tuñdırğan çit il hawa yulı sanınıñ artuı, moña qadär reysların tuqtatıp torğan şirkätlärneñ isä bu waqıtnı ozınaytuı belderelde.

Xäbärgä qarağanda, qaytu oçışı bulmağanı öçen çit illärdä qalğan İzrail watandaşlarınıñ 150 meñ tiräsendä buluı isäplänelä.

Xäbärdä üzäge İrlandiyädä urnaşqan “Ryanair” hawa yulı şirkäteneñ 8nçe avgustqa, üzäge İspaniyädä urnaşqan “Air Europa” häm Bolgariyäneñ “Bulgaria Air”nıñ 9nçı avgustqa, İtaliyä bayrağın taşuçı “ITA” hawa yulı şirkäte belän üzäge Xorvatiyädä urnaşqan “Croatia” hawa yullarınıñ 10nçı avgustqa qadär İzrailgä oçışların tuqtatıp toruı citkerelde.

Latviyäneñ “AirBaltic”, Hindstannıñ “AirIndia” häm İspaniyäneñ “Iberia Express”nıñ 11nçe avgustqa xätle, Pol’şa milli hawa yulı şirkäte “LOT”nıñ da 12nçe avgustqa qadär İzrail reysların tuqtatuı belderelde.

Rumıniyä üzäkle hawa yulı şirkäte “Tarom”, Germaniyäneñ “Lufthansa” hawa yulı firması, Şveyśariyä xalıqara hawa yulları (Swiss), Awstriyä milli hawa yulı firması “Awstriyä hawa yulları”, Bryussel hawa yulları häm Germaniyäneñ” Eurowings” hawa yulı şirkäte dä 13nçe avgustqa qadär İzrailgä oçışların ğamäldän çığaruı äytelde.

Greśiyäneñ “Aegean” hawa yullarınıñ 14nçe avgustqa, Amerika Quşma Ştatlarınıñ “Delta” hawa yullarınıñ 31nçe avgustqa häm Angliyäneñ “EasyJet” kompaniyäseneñ 2025nçe yılnıñ 29nçı mart könenä qadär İzrailgä ike yaqqa da reysların başqarmayaçağı belderelde.

Amerika Quşma Ştatlarınıñ “United” hawa yulları belän İspaniyäneñ “Vueling” hawa yullarınıñ da yaña iğ’lanğa qadär İzrail oçışların tuqtatıp toruı citkerelde.

İzrail armiyäseneñ 30nçı iyül’dä Livanda oyıştırğan höcümdä “Xizbullah” xäräkäteneñ yuğarı däräcäle komandirı Fuad Şükürneñ üterelüe häm 31nçe iyül’dä “Xamas” säyäsi byuro başlığı İsmäğil Xäniyäneñ İran başqalası Tähranda üterelüe töbäktä bäreleşlär kiñäyäçäk digän añlatmalarğa säbäp bula.