Xirosimadağı iskä alu cıyınında İzrailgä reakśiyä

Fälästinne yaqlawçı yaqınça 100 aktivist İzrailneñ Tokio tulı wäqalätle ilçese Gilad Kohennıñ iskä alu cıyınına çaqırıluın gäyepläde.

Fälästinneñ Yaponiyä wäkile Waleed Siam da "tınıçlıqnıñ simvolı" dip bäyäläwçe Xirosimada "Ğazzäle qorbannarnıñ çittä qaldırıluınnan küñelsezlänüen” citkerde.

Siam İzrailneñ cıyınğa çaqırıluınıñ Xirosima wäkillek itkän ğadellek nigezenä qarşı kilüenä basım yasadı.

Aktivistlardan Masae Yuasa isä İzrailneñ çaqırıluın daimi dönya tınıçlığın yaqlawçı Xirosimanıñ köräşenä "xıyanät" bularaq bäyäläde.

Xirosima räsmiläre Yaponiyä xökümäte tarafınnan tanılmawın häm Berläşkän Millätlär Oyışması äğ’zase bulmawın säbäp itep kürsätep Fälästinne cıyınğa çaqırmağan ide.

Amerika Quşma Ştatları 1945nçe yılnıñ 6nçı avgust könne Xirosimağa tarixnıñ berençe atom bombasın ırğıtqan, şähärneñ 90% cimerelgän, berençe mizgeldä 80 meñ keşeneñ ğomere özelgän ide. Öç könnän soñ da Nagazaki atom bombasına totılğan, biredä dä kim digändä 40 meñ keşeneñ berençe mizgeldä häläq buluı belderelgän ide.

Annan soñğı aylarda häm yıllarda töbäktä nurlanışqa bäyle xastalıqlardan ülemnär däwam itkän ide.